USD87.45EUR96.10RUB1.06
24.kg

Таласта сол колуна ок тийген 13 жашар өспүрүм ооруканага жаткырылды

17:13, 04 июня 2018, Бишкек - 24.kg

Талас облусунда сол колуна ок тийген 13 жашар өспүрүм Кара-Буура райондук ооруканасына жаткырылды. Бул тууралуу Талас ОИИБ билдирди.

Маалыматка караганда, жабырлануучу достору менен көчөдө ойноп жатып, сарайдан ок атуучу курал таап алышкан. Алар бири-бирин мээлеп жатканда куралдан ок чыгып 13 жашар баланын колуна тийген.

Ал эми сарайдын ээси куралды талаадан таап алганын айтууда.

«Ал дат баскан эски ок атуучу курал болчу. Мен аны иштен чыккан деп ойлоптурмун. Жакынкы аралыкта милицияга берейин деп аткам», — деди ал.

Жабыркаган баланын абалы азыр туруктуу. Анын ата-энеси эч кимге дообуз жок деп айтышууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18