USD87.45EUR95.88RUB1.07
24.kg

Башкы прокуратура Тарых музейин оңдоо тууралуу сунуштардын баарын текшерет

13:45, 25 мая 2018, Бишкек - 24.kg

Башкы прокуратура Улуттук тарых музейин оңдоо жана калыбына келтирүү тууралуу сунуштардын баарын текшерет. Бул тууралуу «Ата Мекен» парламенттик фракциясынын көчмө жыйынында, башкы прокурордун орун басары Нурлан Дүйшөмбиев айтты.

Эске салсак, бүгүн аталган фракция Тарых музейинин ремонтуна кеткен чыгымдар тууралуу маселени караш үчүн жыйын уюштурушту. Элдик депутаттар иштин жүрүшүндө мыйзам бузуулар болгондугун айтышууда.

Мындан сырткары, Түркия бере турган гранттык жардамдан Кыргызстандын баш тарткандыгы парламент депутаттарынын нааразычылыгын туудурду. Ал гранттын эсебинен музейдин ички жана сырткы бөлүктөрү оңдоодон өтмөк.

Эскерте кетсек, Тарых музейин кайра калыбына келтирүү иштерине бюджеттен 1 миллиард 447 сом жана Түркиядан грант катары келген 15 миллион доллар каралган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18