USD87.45EUR95.88RUB1.07
24.kg

Тажикстандын калкынын саны 9 миллионго жетет

08:55, 25 мая 2018, Бишкек - 24.kg

Тажикстанда 9 миллионунчу наристенин төрөлөрүнө бир нече күн калды. Ал балага жана ата-энесине белектер берилери күтүлүүдө.

Тажикстан президентинин алдындагы статистика боюнча агенттик билдиргендей, быйылкы жылдын биринчи чейрегинин жыйынтыгы менен калктын саны 8 миллион 973 миң кишини түзгөн.

​Тажикстан Саламаттык сактоо жана социалдык коргоо министрлигинин маалыматы боюнча апрелде 20 миң ымыркай жарык дүйнөгө келген. Мындан улам тажик бийлиги «тогуз миллионунчу жашоочунун төрөлөрүнө саналуу күндөр калды», деп билдирүүдө.

Маалыматтарга караганда, жакынкы үч күндүн аралыгында өлкөдөгү бардык төрөтканаларда күнү-түнү нөөмөт уюштурулуп, тогуз миллионунчу жашоочунун төрөлүшүн аныктоо жараяны өтөт. Ал наристенин үй-бүлөсүнө белектер берилет. 2013-жылы Тажикстанда сегиз миллионунчу болуп төрөлгөн баланын ата-энесине Душанбеден төрт бөлмөлүү батир ыйгарылган.

Тажикстан балдардын төрөлүшү боюнча мурдагы совет өлкөлөрүнүн ичинде алдыда келе жатат. Статистикалык маалыматтар боюнча жыл сайын калктын саны 2,2 пайызга же 200 миң кишиге көбөйүүдө.

​Ошол эле маалда Борбор Азия боюнча Тажикстан гана расмий түрдө жарандарына аз балалуу болуу кеңешин берип келет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18