USD87.45EUR95.88RUB1.07
24.kg

ЖККУ Ооганстандагы террордук топтордон кооптонууда

15:51, 24 мая 2018, Бишкек - 24.kg

Ооганстандагы террорчулардын активдешүүсү ЖККУга кирген өлкөлөр үчүн коркунуч туудурууда. Бул тууралуу «Интерфакс» Орусиянын коопсуздук кенешинин катчысы Николай Патрушевге шилтеме берип билдирди.

«Активдешип жаткан террордук уюмдар ЖККУга кирген өлкөлөрдүн чек араларына жакын. Ооганстандын түндүгүндө боевиктердин жалпы саны 15-20 миңге жакын. Ал эми Тажикстан менен чектешкен аймактарда алардын саны 7 миңге чукул», — деди Николай Патрушев.

Анын айтымында, Ооганстандагы абал диний экстремисттик уюмдардын активдешүүсүнөн улам начар.

«Ооганстандагы террордук уюмдар Тажикстан, Өзбекстан, Түркмөнстанга кирип келүү коркунучу бар. Балким террордук топтор жаштарды экстремисттердин катарын толуктоого үндөшү мүмкүн», — деди Николай Патрушев.

Эскерте кетсек, ЖККУнун курамына Армения, Беларусия, Казакстан, Кыргызстан, Орусия жана Тажикистан кирет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18