USD87.45EUR95.88RUB1.07
24.kg

Ажылык −2018. Ажы башчылар тандалып алынды

09:10, 22 мая 2018, Бишкек - 24.kg

Зыяратчыларды Меккеге жетектеп бара турган ажы башчылар тандалды. Бул тууралуу муфтият маалымдайт.

Мусулмандар дин башкармалыгынын билдирүүсүндө, аларга атайын күбөлүктөр ыйгарылды. Ар бир ажы башчысы 49 зыяратчыны жетектейт.

«Ар бир ажы башчы өзүнүн тобундагы 49 ажы үчүн жооп берет. Ажы башчы болуу өтө жоопкерчиликтүү жана оор иш болуп саналат. Андыктан ар бириңиздер өз тобуңуздардагы болочок ажылар менен жакындан таанышып, алар үчүн коопсуздук, ажылык амалдардын туура аткарылышы жана ыйык жердеги амалдар боюнча сабактарды эрте баштап, алар менен ар убакта тыгыз байланышып туруңуздар. Сиздер болочок ажыларга баргандан келгенге чейин жоопту болосуздар, ошондуктан алардын ден-соолугун карап, эң башкысы ажылык амалдарын туура аткартууңар керек», — деди Азирети Муфтий Максатбек ажы Токтомушев.

Зыяратчылардын алгачкы тобу Меккеге 25-июлда жөнөп кетет. Быйыл ажылыкка 5485 киши барат. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18