USD87.45EUR95.88RUB1.07
24.kg

Илим Карыпбеков КТРКнын айнектерин алмаштырды, бирок аброюн тазалай алган жок

17:10, 21 мая 2018, Бишкек - 24.kg

«Илим Карыпбеков КТРКнын айнектерин алмаштырды, бирок аброюн айнектей таза кыла алган жок» — деп КТРКнын Байкоочу кеңешинин мүчөсү Азамат Болгонбаев парламенттин социалдык маселелер, маданият, саламаттыкты сактоо боюнча комитетинин жыйынында билдирди.

Комитет бүгүн КТРКнын жетекчилигинин отчетун карады.

Азамат Болгонбаев КТРКНын башкы директору Илим Карыпбековдун отчетуна терс добушун берген.

Анын айтымында, Илим Карыпбеков Байкоочу кеңештин эскертүүлөрүнө көңүл бөлбөй иш алып барууда.

«Саясый бир тараптуу каралоо жүрүп жаткан кезде биздин эскертүүлөрүбүзгө, сотко эч ким кайрыла электигин айтып кутулуп кетип жатты. Бул жерде мыйзамды эмес, башкы директордун аброюн тазалоого аракет кылалы» — дейт ал.

Азамат Болгонбаевдин айтымында, отчетто КТРК сатып алган ПДС боюнча маалымат берилген эмес.

Белгилей кетсек, КТРКнын маалыматында, ПДСке 1,5 миллион доллар жумшалды. Буга чейин парламенттин депутаты Каныбек Иманалиев ПДСтин баасы базар наркынан кымбат көрсөтүлгөнүн айтып, Башкы прокуратурага текшерип чыгууну сунуштаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18