USD87.45EUR95.88RUB1.07
24.kg

Бишкекте ичеги инфекциялары менен ооругандар көбөйдү

11:11, 21 мая 2018, Бишкек - 24.kg

Бишкекте Республикалык клиникалык инфекциялык ооруканасына ичеги инфекциялары менен ооруп кайрылгандардын саны өсүүдө. Бул тууралуу «24.kg» агенттигине медициналык мекемеден билдиришти.

«Бир сутка ичинде 230-250 бейтап кайрылууда. Мурда кайрылгандардын ичинен ичеги инфекциялары менен ооругандардын саны 20-30 болгон болсо, учурда алардын саны 70ке жетет. Бейтаптардын абалына карап жарымына жакынын жаткызып атабыз. Негизинен жаш балдар. Албетте, бул биринчиден ата-энелердин күнөөсү. Балдарына көңүл бурушпайт, колдорун жуушпайт. Буга кошумча өспүрүм балдар жуулбаган жашылча, жемиштерди жешет», — дешти аталган мекемеден.

Негизинен ооруканага Бишкектен жана жакын жайгашкан райондордон бейтаптар кайрылышууда. Медиктер бул ооруу менен жабыркагандардын саны дагы өсө турганын билдиришүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18