USD87.45EUR95.88RUB1.07
24.kg

Диний окуу жайлардын студенттери футбол талаасында күч сынашышты

08:44, 18 мая 2018, Бишкек - 24.kg

Диний окуу жайлардын студенттери футбол талаасында өз күчтөрүн сынашты. Бул тууралуу Муфтияттын басма сөз кызматы билдирди.

Маалыматка ылайык, иш чара Жалал-Абад казыяты тарабынан демилгеленген. Ага, спорттун футбол түрү боюнча «Арстанбап ата», «Аз-Захра», «Имам Аьзам», «Имам Тирмизий» медреселеринин жана Амир Хамза ислам институтунун студенттери катышты.

Оюн айлампа түрүндө өтүп, биринчи орунду Жалал-Абад шаарындагы Аз-Захра медресеси багындырса, экинчи орунга Сузак районуна караштуу Имам Аьзам медресеси ээ болду, ал эми, үчүнчү орунду Имам Тирмизий медресеси жеңип алды. Спорттук мелдештин соңунда орунга ээ болгондор казыяттын алкыш баракчасы менен сыйланышса, мыкты оюн көрсөткөндөр жана мыкты чабуулчулар кызыктыруучу белектер менен сыйланышты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18