USD87.45EUR95.88RUB1.07
24.kg

Айдай чак түштө базардан торпок уурдаган жаран кармалды

12:18, 14 мая 2018, Бишкек - 24.kg

Айдай чак түштө базардан торпок уурдаган жаран кармалды. Бул тууралуу ИИМдин басма сөз кызматы билдирди.

Маалыматка ылайык, 17-апрель күнү Каракол шаардык ички иштер башкармалыгына Ак-Суу районунун Теплоключенка айылынын тургуну арыз менен кайрылган. Арызда 15-март күнү Караколдогу мал базарга торпогун сатканы алып келип, аз убакытка кароосуз калтырып кеткен учурда белгисиз адам тарабынан уурдалганы жазылган.

Жогорудагы факты боюнча Кылмыш-жаза кодексинин 165-беренесинин (мал уурдоо) негизинде кылмыш иши козголгон. Ал эми жабырлануучуга жалпы 19 миң сомго чыгым болгон.

Милиция кызматкерлери кылмышкердин изине түшүп, мурда соттолгон Ысык-Көл районунун Кара-Ой айылынын 30 жаштагы А. Айбек аттуу жашоочусун кармашкан.

Тергөөнүн жүрүшүндө кармалган жаран күнөөсүн толугу менен мойнуна алып, убактылуу кармоочу жайга киргизилди. Ал эми, далил катары уурдалган мал табылды. Учурда иликтөө иштери жүрүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18