USD87.45EUR95.88RUB1.07
24.kg

Владимир Путин Россияны төртүнчү жолу башкарууга киришти

15:46, 07 мая 2018, Бишкек - 24.kg

Бүгүн Москвада Орусиянын шайланган президенти Владимир Путиндин кызматка киришүү салтанаты өттү.

Кремлде ант бергенден кийин Владимир Путин Собор аянтына барып, Кремл полкунун парадына күбө болду. Андан соң Благовещенск соборунда кудайга сыйынуу жөрөлгөсү өттү.

Владимир Путин биринчи жолу инаугурацияга жалгыз келди. Расмий түрдө Орусиянын президенти учурда бойдок. Ал мурдакы аялы Людмила менен 2013-жылы ажырашып кеткен.

Салтанатка Орусиянын белгилүү инсандары, актерлер, коомдук ишмерлер катышты. Журналисттер Москванын мурдакы мэри Юрий Лужков менен актер Стивен Сигалга көңүл бөлүшкөн.

Ал эми чет мамлекеттердин башчыларынан эч ким жок. Кремль буга чейин Латвиянын президенттине чакыруу жөнөткөнүн ачыктаган. Италиянын мурдакы жетекчиси Сильвио Берлускони жана Германиянын экс-канцлери Герхард Шредер катышкандыгы маалымдалат.

Кыргызстандын атынан элчи Болот Отунбаев болду.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18