USD87.45EUR95.88RUB1.07
24.kg

Түркияда өткөн тогуз коргоол сынагында кыргызстандык спортчулар жеңишке жетишти

18:01, 04 мая 2018, Бишкек - 24.kg

Түркияда өткөн Anatolia Open эл аралык сынакта кыргызстандык жигиттер тогуз коргоол боюнча баш байгени багындырды. Бул тууралуу «24.kg» сайтына Тогуз коргоол федерациясы билдирди.

Таймаш Анталья шаарында өткөн. Сынакта Казакстан, Кыргызстан, Монголия, Пакистан, Орусия жана Түркия мамлекеттеринин спортчулары ат салышкан. Программага бир нече интеллектуалдык оюндар камтылган.

Кыргызстандын атынан сегиз спортчу катышып, тогуз-коргоол боюнча эркектер арасындагы оюнда Анарбек Жамакеев биринчиликти багындырса, экинчи орунду Бектур Тыныбеков ээлеген. Ал эми аялдар арасында Гүлжамал Сарыкеева жана Жаңыл Сагынбекова үчүнчү орунду ээледи. Андан тышкары бестемше оюнунда Чоро уулу Нурдин экинчи орунду багындырса, Аким Нурсеитов үчүнчү орунга татыктуу болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18