USD87.45EUR95.88RUB1.07
24.kg

Өзбекстан облустарынын биринде түнкүсүн сейилдөөгө тыюу салынды

17:34, 04 мая 2018, Бишкек - 24.kg

Кашкадарыя облусунда укук коргоо органдарынын кызматкерлери түнкү 22.00дөн кийин чайханада отурган кишилерди кармап, аларды административдик айыпка тартууда.

«Жура» чайханасынын кардарларынын биринин айтымында, 30-апрелде күтүүсүз келген райондук милиция кызматкерлери кечки тамакты аягына чейин ичирбестен, аларды автобуска салып, милиция бөлүмүнө алып кетишкен.

«Алар облус башчысынын чечимине ылайык, түнкү 22.00дөн кийин көчөдө сейилдөөгө тыюу салынганын айтышты. Бул убакытта үйдө отуруш керек экен», — деди жергиликтүү жашоочу.

Ал тогуз кишиге айыппул салынганын кошумчалады.

Яккабаг райондук милиция бөлүмүнүн кызматкери бул маалыматты тастыктады. Ал бул иш-чара кылмыштуулуктун санын азайтып, жарандардын коопсуздугун камсыздоо максатына жүргүзүлүп жатканын билдирди. Тартип сакчынын айтымында, кечкисин спирт ичимдиктерин ичип, жаңжал чыгарган кишилер гана кармалууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18