USD87.45EUR95.88RUB1.07
24.kg

«Күмтөр» боюнча келишимди аткаруу мөөнөтү 31-майга чейин жылдырылды

11:51, 25 апреля 2018, Бишкек - 24.kg


Centerra Gold Inc. менен кыргыз өкмөтү 2017-жылдын 11-сентябрында кол койгон Айлана-чөйрөнү коргоо жана инвестициялык өнүгүү стратегиялык келишимин аткаруу мөөнөтү жылдырылды. Бул тууралуу «Кумтөр Голд Компани» сайтында маалымдайт.

Келишимди аткаруу мөөнөтү 20-апрелден 31-майга жылдырылды. Компания кыргыз өкмөтү менен келишимдеги соттук териштирүүлөрдү токтотуу, жерди колдонууга уруксат берүү жана башка шарттарды аткаруу үчүн кызматташууга даяр.

«Алдын-ала макулдашуунун бир топ шарттары аткарылып, «Кумтөрдүн» иштөөсүнө керектүү уруксат кагаздары берилди. Андан тышкары, өкмөт Мамлекеттик техникалык инспекция берген доо арыздарды соттон кайтарып алды» — деп айтылат маалыматта.

Centerra Gold Inc. келишим толук аткарыларынан күмөн санарын белгилейт.

«Талаш маселелерди так жана толук чечүүгө болгон тоскоолдуктар киреше, акчалай төлөмдөр жана компаниянын финансалык абалына терс таасирин тийгизет» — дейт Centerra.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18