USD87.45EUR95.88RUB1.07
24.kg

Түркмөнстанда автобус кырсыгынан кеминде 17 киши каза болду

13:19, 16 апреля 2018, Бишкек - 24.kg

Түркмөнстанда 14-апрелдеги автобус кырсыгынан кеминде 17 киши каза болду. Бул тууралуу түркмөнстандын полициясы билдирди. Азырынча жараат алгандардын так саны белгисиз.

Маалыматка караганда, окуя Ашхабаддан 20 чакырым алыстыкта жайгашкан Чулинск капчыгайында болуп, автобус жол жээгине оодарылып кеткен.

Жол полициясынын кызматкерлери кырсыкка автобустагы ашыкча салмак жана аба ырайы себеп болгонун билдиришүүдө. Ал күнү аймакта жаан жааган.

Чулинс капчыгайында негизинен мамлекеттик мекемелерге таандык ден соолукту чыңдоо борборлору жана балдар лагерлери жайгашкан. Жылдын бул мезгилинде ал жакка түрдүү мекемелердин кызматкерлери, ошондой эле аз сандагы альпинисттик жана туристтик топтор барышат.

Бийлик менен расмий ММКлар адаттагыдай эле жол кырсыгы жана адам өлүмү тууралуу бул маалыматтарды беришкен жок.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18