USD87.45EUR95.88RUB1.07
24.kg

АКШ Асадды колдогондугу үчүн Орусияга жаңы санкцияларды киргизет

09:13, 16 апреля 2018, Бишкек - 24.kg


16-апрелде АКШнын Каржы министрлиги Кошмо Штаттардын Орусияга каршы жаңы санкциялары тууралуу жарыялайт. Бул тууралуу АКШнын БУУдагы туруктуу өкүлү Никки Хейли CBS News телеканалына берген маегинде билдирди.

Анын айтымында, жаңы санкциялар Сириянын президенти Башар Асадга жабдууларды жеткирүүгө жана химиялык курал колдонууга байланышы бар бардык компанияларга тиешелүү болот. Хейли АКШ Орусияга «белги бергенин» жана Москва ага макул болот деп үмүттөнүп жатканын кошумчалады.

«Коммерсант» гезитинин 15-апрелдеги билдиргенине караганда, АКШнын Орусиядагы элчиси Жон Хантсман орус ТИМине кат жолдоп, анда Башар Асадды колдогондугу үчүн Москвага каршы жаңы санкциялар даярдалып жатканы жазылган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18