USD87.45EUR95.88RUB1.07
24.kg

Жогорку Кеңештин 105 депутаты башкы прокурордун отставкасын колдоду

10:46, 11 апреля 2018, Бишкек - 24.kg

Жогорку Кеңеш баш прокурор Индира Жолдубаеванын отставкасын колдоду. Аны кызматтан алуу боюнча сунушту мамлекет башчы Сооронбай Жээнбеков кечээ парламентке жолдогон.

Баш мыйзамга ылайык, Жогорку Кеңештин депутаттарынын жарымынан көбүнүн макулдугу менен мамлекет башчы баш прокурорду кызматынан бошото алат. Тактап айтканда, Жолдубаеванын отставкасы үчүн 60тан ашык эл өкүлүнүн добушу керек. Ал эми парламенттин бүгүнкү жалпы жыйынында 105 депутат анын кызматтан кетүүсүн колдосо, эки гана депутат - Аалы Карашев менен Асел Кодуранова каршы добуш берген. 

Белгилей кетсек, Аалы Карашев менен Индира Жолдубаева тууган. 

Индира Жолдубаева 1979-жылы 11-апрелде туулган. 2015-жылы 28-январда башкы прокурор болуп дайындалган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18