USD87.45EUR95.88RUB1.07
24.kg

Бишкекте ийнине ок жеген баланын абалы канааттандырарлык

15:09, 02 апреля 2018, Бишкек - 24.kg

Бул тууралуу Бишкек шаардык ички иштер башкармалыгы маалымдады. Башкармалыктын басма сөз катчысы Адыл Оморовдун билдиргени боюнча, 30-мартта Бишкектеги № 38 орто мектептин 8-классынын окуучусу кокусунан классташын атып алган.

«Ыкчам-тергөө тобунун маалыматына ылайык, окуучу мектепке байкесине таандык куралды алып келген. Аны классташына көрсөтүп жаткан кезде тапанча атылып кетип, классташынын оң ийнине тийген. Бала 3-ооруканага жеткирилген. Учурда тергөө тарабынан баланын колуна тапанча кантип тийип калганын аныктоо иштери жүрүп жатат. Мындан тышкары өспүрүмдөр менен иш алып баруучу инспекция кызматтык иликтөө жүргүзүүдө», — деди Оморов.

Окуучу балдардын мектепте курал алып жүрүшүнө байланышкан окуялар мурда катталган эмес.

№ 38 орто мектептин окуучулары жанаша жайгашкан Олимпиадалык резерв мектебинин окуучулары менен жаңжалдашкан учурлар катталып келет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18