USD87.45EUR95.88RUB1.07
24.kg

Хабаровскта Кыргызстан жараны адам өлтүрүү боюнча шектелүүдө

10:44, 02 апреля 2018, Бишкек - 24.kg

Хабаровскта дайынсыз жоголгон 52 жаштагы аялдын жансыз денеси Еврейлердин автономиясында табылды. Бул тууралуу Орусиянын маалымдоо каражаттары жазып чыкты.

Маалыматка ылайык, аял жалгыз бой болгон. Ал чыгыш мырзалары менен мамиле кургандык жакшы көрчү. Айым жигиттер менен социалдык түйүндөр аркылуу таанышчу.

Акыркы жолу аял 30 жаштагы Кыргызстан жараны менен таанышкан. Алар Владивосток көчөсүндөгү батирлердин биринде жолугушкан.

«Экөө ичимдик ичишкен. Кызып калган айым жигиттин энесин жана жакындарын кемсинте баштаган. Ачуусу келген жигит аялды ур-токмокко алган. Андан соң муунтуп өлтүргөн. Жансыз денени баштыкка салып, Еврейлердин автономиясына алып барып таштаган. Жеке буюмдарын таштанды урнасына ыргыткан», — деп жазылат маалыматта.

Учурда жаран камакта. Тергөө иштери аяктап, иш сотко өткөрүлүп берилген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18