USD87.45EUR95.88RUB1.07
24.kg

Быйыл 500 миллион сомго дем берүүчү гранттар боюнча 213 долбоор ишке ашырылат

17:43, 28 марта 2018, Бишкек - 24.kg

Быйыл 500 миллион сомго дем берүүчү гранттар боюнча 213 долбоор ишке ашырылат. Бул тууралуу Каржы министрлигинин басма сөз кызматы билдирди.

Долбоорлорду каржылоо жергиликтүү өз алдынча башкаруунун аткаруу органдары берген отчёттордон көз каранды. Гранттын талап кылынган көлөмүнө жараша, грант, отчёт тапшырылгандан кийин, долбоордун тибине жараша каражаттардын өздөштүрүлүшүн эске алуу менен бөлүп-бөлүп берилет.

2017-жылы жергиликтүү өз алдынча башкаруу органдары тарабынан 208 долбоорду каржылоого республикалык бюджеттен «дем берүүчү гранттар» беренеси боюнча жалпысынан 370 млн 635,6 миң сом жумшалган.

Белгилей кетсек, «Кыргыз Республикасынын 2018-жылга республикалык бюджети жана 2019-2020-жылдарга болжолу жөнүндө» Кыргыз Республикасынын мыйзамында «Дем берүүчү (үлүштүк) гранттар» беренеси боюнча 500 млн сом каралган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18