USD87.45EUR95.88RUB1.07
24.kg

Сабалган 8 жашар кыздын өз энеси табылды

17:01, 22 марта 2018, Бишкек - 24.kg

Сабалган 8 жашар кыздын өз энеси табылды. Бул тууралуу Балдардын укугун коргоо лигасынын жетекчиси Назгүл Турдубекова өзүнүн Facebook социалдык түйүнүндөгү баракчасына жазып чыкты.

Маалыматка ылайык, кыздын энеси балдарын өзүнө аларын айткан.

«Жакшы жаңылык. Өгөй энеси тарабынан сабалды делген кыздын өз энеси табылды. Алдын ала алынган маалыматтарга ылайык, балдарды атасы өткөн жылы жазында алып кетип, ошол бойдон бербей койгон. Энеси жана туугандары балдарды өздөрүнө алабыз деп жатышат. Учурда социалдык кызмат аялдын турмуш-шартын текшерүүгө алууда. Балдар убактылуу реабилитациялык борбордо», — деди ал.

Эскерте кетсек, 12-мартта Бишкектеги № 3-балдар ооруканасына катуу сабалып, баш сөөгүнөн жарат алган 8 жаштагы кыз келип түшкөн. Кыз аны өгөй энеси ургандыгын айткан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18