USD87.45EUR95.88RUB1.07
24.kg

Таласта улакчы аттан жыгылып каза болду

16:08, 22 марта 2018, Бишкек - 24.kg

Талас районунда Нооруз майрамына карата уюштурулган көк бөрү оюнунда улакчылардын бири аттан жыгылып каза болду. Бул тууралуу укук коргоо органдары билдирди.

Майрамдык көк бөрү оюну 21-мартта Кууганды айыл аймагында өткөн. Улак тартыш учурунда 1986-жылы туулган Үч-Эмчек айылынын У. уулу Н. аттуу тургуну аттан жыгылган.

Алган жараты оор болгондуктан, ал ооруканага жетпей көз жумган. Маркумдун артында жубайы жана балдары калды.

Эскерте кетсек, 21- мартта Кара-Көлдө дагы көк бөрү оюну учурунда 36 жаштагы улакчы аттан жыгылып, эсин жоготкон. Ал ооруканага жеткирилип, медициналык жардам көрсөтүлгөн. Дарыгерлер улакчы баш сөөгүнөн жарат алып, төш сөөктөрү жабыркаганын айткан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18