USD87.45EUR95.88RUB1.07
24.kg

Президент жаңы ырын 8-март алдында түркмөн аялдарына арнады

08:59, 20 марта 2018, Бишкек - 24.kg

Түркмөнстанда мамлекеттик телеканал 17-мартта президент Гурбангулы Бердымухамедовдун аткаруусундагы ырлардын видеоролигин көрсөттү.

Расмий басылмалар кабарлагандай, ролик 8-мартта Эл аралык аялдар күнүнө карата өткөн салтанат учурунда жазылган. Ага кызматында, бала тарбиялоодо, коомдук жумуштарда ийгиликтерге жетишкен аялдар чакырылган.

«Ал күнү аялдардын урматына сахнада өз таланттарын белгилүү опера жана эстрада ырчылары көрсөтүштү. Бирок салтанаттын катышуучулары үчүн улут лидери Гурбангулы Бердымухамедовдун ырлары камтылган видеоролик эң сонун белек болуп калды», — деп белгилейт ТДХ мамлекеттик агенттиги.

Былтыр дагы президент Бердымухамедов 8-мартка карата аялдарга ырдап берген.
Гурбангулы Бердымухамедов музыкалык талантын буга чейин эле көрсөткөн. 2011-жылы «Ак гүлдөрүм сага арналат» аттуу ырды аткарган. Мындан тышкары президент ди-джейдин ролунда болууга дагы үлгүргөн.

​

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18