USD87.45EUR95.88RUB1.07
24.kg

Фракция вице-премьердин отчётун канааттандырарлык эмес деп тапты

13:32, 16 марта 2018, Бишкек - 24.kg

Бүгүн, Социал-демократтар фракциясы кылмыштуулукка каршы күрөшүү жана бизнести коргоо боюнча вице-премьер-министр Даир Кенекеевдин жана күч органдарынын отчётун укту.

Депутаттар отчётту канааттандырарлык эмес деп таап, өкмөт мүчөлөрүнүн даярдыгына баа берүү үчүн стенограмма премьер-министрге жолдоно турганын айтышты.

Фракция лидери Иса Өмүркулов бир дагы депутаттын суроосуна өкмөт мүчөлөрү толук кандуу жооп бере албагандыгын баса белгиледи.

Депутат Эльвира Сурабалдиева бир жыл ичинде пара талап кылгандыгы боюнча бир гана тергөөчүгө кылмыш иши козголгонун маалымдады. Анын айтымында, мындай фактылар ондоп саналат, бирок эч ким жоопкерчиликке тартылбайт. Эл өкүлү райондук бөлүмдөрдү көзөмөлгө алган Баш прокуратуранын тергөөчүлөрүн дагы кылмыш жоопкерчилигине тартуу зарылдыгын белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18