USD87.45EUR95.88RUB1.07
24.kg

Казакстанда кармалган депутаттын атасы: Уулумдун улуту жана жарандыгы да кыргыз

10:27, 27 февраля 2018, Бишкек - 24.kg

Казакстанда аткезчилик боюнча айыпталып кармалган Жогорку Кеңештин депутаты Дамирбек Асылбек уулунун улуту кыргыз жана ал Караколдо туулуп-өскөн. Бул тууралуу депутаттын атасы Асылбек Супатаев жергиликтүү ЖМКга билдирди.

Анын айтымында, уулу казак жарандыгын алганы тууралуу эч кабары жок болчу.

«Уулубуз Караколдо төрөлүп, кийин 8-класстан соң Бишкекке спорт мектебине кеткен. Анын Казакстанда туулганы жана улуту казак экени тууралуу маалымат жалган», — деди Асылбек Супатаев.

Ошондой эле Супатаев уулунун ысымы Динарбек Супатаев болгонун, кийин аты-жөнүн өзгөрткөнүн да ырастады.

Эскерте кетсек, 15-февралда Казакстанда кармалып, аткезчилик айыбы менен эки айга камалган депутат Дамирбек Асылбек уулунун коңшу өлкөнүн жараны экендиги аныкталды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18