USD87.45EUR95.88RUB1.07
24.kg

Ачкачылык жарыялагандардын экөө тергөө абагына которулду

14:13, 15 февраля 2018, Бишкек - 24.kg

Кубанычбек Кадыров менен Эрнест Карыбеков № 1 тергөө абагына которулду. Бул тууралуу саясый туткундарды коргоо комитети кабарлады.

Жаза аткаруу кызматы маалыматты ырастап, соттолгондор жаза өтөө жайларына которуларын билдирди.

Учурда № 47 абакта ачкачылык жарыялагандардан Бектур Асанов калды. Анын ахыбалы оор экени айтылууда. Бирок, түрмөнүн даарыгерлери ачык маалымат беришпей жатат. Бектур Асановго жактоочусун да киргизбей жатышат.

Эскерте кетсек, мамлекеттик төңкөрүшкө айыпталган оппозициянын мүчөлөрү 17 күндөн бери ачкачылыкта олтурушат. Алар суу гана ичишүүдө. Жаза аткаруу кызматы аларга ийне сайып азыктандырууга аракет көрүүдө.

Алар УКМКнын төрагасы Абдил Сегизбаевдин отставкасын талап кылууда.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18