USD87.45EUR95.88RUB1.07
24.kg

Муфтият зыяратчыларды ташый турган авиакомпанияны тандап алды

13:39, 14 февраля 2018, Бишкек - 24.kg

Муфтият зыяратчыларды ташый турган авиакомпанияны тандап алды. Бул тууралуу Мусулмандар дин башкармалыгы маалымдайт.

Бүгүн авиакомпаниялар арасында сынак өттү. Сынакка бир эле ишкана арыз берген. 2018-жылдагы убактылуу республикалык штабдын өкүлдөрү бир добуштан ажыларды ташууда кызмат көрсөтүү үчүн «Flaynas» авиакомпаниясын тандап алышты.

Муфтияттын маалыматында, «Flaynas» авиакомпаниясы ажыларды 10 жылдан бери ташып келет. 2017-жылы дагы милдетин жакшы аткарган.

«Быйылкы жылы «Flaynas» авиакомпаниясы Кыргызстандык ажыларды ташууда авиабилеттин наркы 1550 АКШ доллар деп белгиледи. Ал 2017-жылдагы наркты өзгөрткөн жок» — дейт муфтият.

Эскерте кетсек, буга чейин ажылык баасы кымбаттары айтылган. Анткени, Сауд Аравия Кыргызстанга берилген квотанын санын көбөйтүү менен келишимдин наркына дагы 5 пайыз кошкон. Ажылык август айына туш келет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18