USD87.45EUR95.88RUB1.07
24.kg

Бириккен Араб Эмирлиги Казакстандын жарандары үчүн визасыз режим киргизди

16:02, 09 февраля 2018, Бишкек - 24.kg

10-марттан тарта Казакстандын жарандары Бириккен Араб Эмирлигинин аймагында 30 күнгө чейин визасыз жүрө алышат. Бул тууралуу БАЭнин Казакстандагы элчилиги Твиттер баракчасы аркылуу билдирди.

«10-марттан тарта Казакстандын жарандарынын Бириккен Араб Эмирлигинин аймагында 30 күнгө чейин визасыз жүрүүсүнө мүмкүндүк берген визасыз режим күчүнө кирет. БАЭге кош келиңиздер», — деп жазылган элчиликтин билдирүүсүндө.

Буга чейин Казакстандын тышкы иштер министрлиги Кайрат Абдрахманов 2017-жылы Бириккен Араб Эмирлиги менен паспорттордун бардык түрлөрү боюнча визасыз режим тууралуу макулдашууга кол коюлганын билдирген. Макулдашуу күчүнө кириши үчүн БАЭнин бардык эмираттарынын жактыруусу керек болчу.

Казак өкмөтүнүн 2012-жылдагы токтому менен Бириккен Араб эмирлигинин жарандары Казакстандын аймагында 30 күнгө чейин визасыз жүрүү укугуна ээ болушкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18