USD87.45EUR95.88RUB1.07
24.kg

Тажикстан кыргыз-тажик чек арасындагы Саада каналына көпүрө курат

08:55, 09 февраля 2018, Бишкек - 24.kg

Тажикстан бийлиги кыргыз-тажик чек арасындагы Саада каналына көпүрө курат. Бул тууралуу Тажикстандын Бобожонгафуров районунун башчысы Зариф Назири «Азаттыктын» тажик кызматына билдирди. Анын айтымында, көпүрө куруу чечими Баткен облусунун делегациясы менен сүйлөшүүлөрдү өткөргөндөн кийин кабыл алынды.

8-февралда эртең менен Баткен облусунун Лейлек районундагы Саада каналына контейнерден курулган көпүрө орнотулган. Жергиликтүүлөр ал мектеп окуучуларынын ыңгайы үчүн орнотулганын билдиришкен. Кыргыз тарап тажик чек арачылары көпүрөнү алууну талап кылып, «Кулунду» жана «Кайрагач» өткөрмө бекеттери аркылуу адамдардын, транспорт каражаттарынын жана жүктүн өтүшүн бир тараптуу токтотконун кабарлаган.

Зариф Назиринин айтымында, тажик чек арачыларынын бул аракети чек арада жаңжал чыккандыгы тууралуу ушактарды жараткан. Ал тажик тарап Саада айылындагы балдардын мектепке баруусун жеңилдетиш үчүн канал аркылуу көпүрө курарын жана аны менен эки өлкөнүн жарандары тең пайдаланса болорун кошумчалады.

Кечке жакын Кыргызстандын Чек ара кызматы эки тараптуу сүйлөшүүлөрдүн натыйжасында тажик тарап көпүрөнү ачып, кошумча тартылган тажик аскер кызматкерлери кайра кеткенин билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18