USD87.45EUR95.88RUB1.07
24.kg

Аткаруу бийлигиндеги кызматкерлердин 10% азайтуу каралууда

08:45, 25 января 2018, Бишкек - 24.kg

Кыргызстанда аткаруу бийлигинин системасын реформалоо боюнча мекеме аралык комиссия түзүлдү. Бул тууралуу өкмөттүн басма сөз кызматынын башчысы Чыңгыз Эсенгулов билдирди.

Комиссия бир ай ичинде аткаруу бийлигинин мамлекеттик органдарынын чектүү штаттык санын жана башкаруу схемасын талдап, сунуштарды иштеп чыгат.

Эсенгуловдун айтымында, штатты кеминде 10 пайызга азайтуу жагы каралууда.

«Комиссия өкмөткө караштуу мамлекеттик органдардын түзүмүн жана штаттык санын оптималдаштыруу, функциясын өркүндөтүү боюнча сунуштарды иштеп чыгуу максатында түзүлдү» — дейт ал.

Комиссиянын иши аяктаганча бош кызмат орундарына жаңы кызматкерлер кабыл алынбайт.

Аткаруу бийлигинин системасын реформалоо өкмөттүн «Жаңы доорго 40 кадам» программасынын алкагында жүргүзүлөт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18