USD87.45EUR95.88RUB1.07
24.kg

Баткендиктер жалгыз суу булагы Өзбекстанга өтүп кетерине кабатыр

12:24, 18 января 2018, Бишкек - 24.kg

Баткен облусунун Кадамжай районунун Чечме айылынын тургундары Өзбекстан менен чек араны чийүүдө жалгыз суу булагын Кыргызстанда калтырууну суранат. Бул тууралуу жергиликтүү тургун билдирди.

Чечме айылы Өзбекстандын Сох анклавы менен чектешет. Айыл тургундары кыргыз-өзбек чек арасы боюнча жаңы келишимде алардын таза суу жана суугат суу катары колдонгон булагы Өзбекстанга өтүп кетери боюнча угушкан. Андыктан алар, бул булакты ата-бабалары колдонуп келгенин жана ал алардын айылынын карамагында калышы керектигин айтышууда.

Эскерте кетсек, кыргыз-өзбек чек арасынын 85 пайызы чечилди. Бирок, кайсы талаш аймактар кантип такталганы ачык айтылбайт. Жалал-Абад облусундагы Орто-Токой суу сактагы Кыргызстандын аймагында калып, аны эки өлкө ортодо колдонууга макулдашкан.

Калган талаш аймактар, анын ичинде Унгар-тоо, Барак жана Сох боюнча азырынча белгисиз.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18