USD87.45EUR95.88RUB1.07
24.kg

Баткендеги тамеки заводу быйылкы жылы 3000 тонна продукция алууну пландоодо

11:34, 15 января 2018, Бишкек - 24.kg

Баткендеги тамеки заводу быйылкы жылы 3000 тонна продукция алууну пландоодо. Бул тууралуу өкмөттүн облустагы өкүлчүлүгү маалымдайт.

Маалыматка караганда, өкмөттүн Баткен облусундагы ыйгарым укуктуу өкүлү Абиш Халмурзаев жана Мамлекеттик мүлк фондунун жетекчиси Ренат Түлөбердиев Кызыл-Кыя тамеки заводунун ишмердүүлүгүнөн кабар алышты. Жетекчилер заводдун ишин жакшыртууга, дагы башка инвесторлорду табууга көмөктөшөөрүн билдиришти.

Белгилей кетсек, буга чейин токтоп турган завод жаңы эле ишке кирди. 2017-жылдын май айында Литва мамлекетинин Виргис компаниясы менен келишим түзгөн. Учурда аймактагы дыйкандар өндүргөн тамекинин көлөмү 50 тоннага жетип, анын баарын завод сатып алды. 

Келерки жылга завод 3000 тоннага чейин тамеки алууну пландоодо. Ал үчүн азыртан завод администрациясы дыйкан чарбалар, дыйкандар менен келишим түзүп, алдын ала керектүү каражаттарын берип жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18