USD87.45EUR95.88RUB1.07
24.kg

Туристтик аймактардагы үйлөрдү мейманкана катары пайдаланууга уруксат берилди

15:50, 21 декабря 2017, Бишкек - 24.kg

Туристтик аймактардагы үйлөрдү мейманкана катары пайдаланууга уруксат берилди. Бул боюнча мыйзам долбоорду парламенттин депутаттары добуш берүүгө жөнөттү.

Демилгечилердин бири депутат Алтынбек Жунус уулунун айтымында, мыйзам долбоору өкмөт тарабынан аныкталуучу туристтик зоналарда жайгашкан көп батирлүү үйлөрдөгү өзүлөрүнүн турак жайларын мейманкана катары менчик ээсине ижарага берүү маселелерин жөнгө салуу максатын көздөйт. Айрым региондун жарандарына көп батирлүү үйлөрдөгү өзүлөрүнүн турак жайларын мейманкана катары пайдалануудан пайда табуу мүмкүндүгүн берүү бөлүгүнө өзгөртүү киргизүү сунушталат.

Талкууда туристтик гана эмес, баардык эле региондордун тургундарына уруксат берүү жана меймаканага айлантууда коңшулардын уруксатын эске алуу сунушталды.

Эскерте кетсек, буга чейин парламент үйлөрдү меймаканага айлантууга тыюу салган. Ага Бишкек шаарынын тургундарынын суткасына ижарага берилүүчү батирлерге даттануусу себеп болду. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18