USD87.45EUR95.88RUB1.07
24.kg

Бишкекте майыптардын оор жашоосун чагылдырган тасма көрсөтүлөт

11:48, 19 декабря 2017, Бишкек - 24.kg

Бүгүн Бишкекте майыптардын оор жашоосун чагылдырган тасма көрсөтүлөт. Бул тууралуу «Эгемендик айымдар» клубунун жетекчиси Элвира Боромбаева билдирди.

«Юзуриха дарагы» япон тасмасы атайын кыргыз тилине которулду. Тасмада дүлөйлөрдүн турмушу жана коомдогу орду, алар дуушар болгон кыйынчылыктар баяндалат.

Элвира Боромбаеванын айтымында, майыптардын тең укуктуулугу толук корголгон эмес. 

«Майыптар коомчулук үчүн ыңгайсыздык. Коляскада олтурган киши айрымдар байкабаганга аракет кылса, кээ бир жардамын сунуштайт. Бирок, алар дагы толук кандуу эле кишилер. Бизде өкмөт майыптардын укуктарын камсыз кылууга даяр эмес» -дейт Элвира Боромбаева.

Тасманы Кыргыз-Түрк «Манас» университетинде бекер көрүүгө болот.

Эскерте кетсек, премьер-министр Сапар Исаков мүмкүнчүлүгү чектелген адамдардын Конвенциясын Кыргызстан каражат жоктугунан быйыл кабыл ала албастыгын маалымдаган. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18