USD87.45EUR95.88RUB1.07
24.kg

Казакстан Сириядагы жаш казак балдарын мекенине кайтаруу аракетин көрүүдө

08:48, 13 декабря 2017, Бишкек - 24.kg

Учурда Сирия менен Ирактын согуш болуп жаткан аймактарында 390 казакстандык бала бар. Алардын 214ү эркек, 176сы кыздар. Бул тууралуу 12-декабрда өлкөнүн Улуттук коопсуздук комитетинин төрага орун басары Нургали Билисбеков парламентте сүйлөп жатып билдирди.

Маалыматка караганда, акыркы бир нече жыл ичинде аталган өлкөлөрдөн 63 бала мекенине кайтарылган. Билисбековдун айтымында, жакында кеминде дагы 50 баланын Казакстанга алынып келиниши күтүлүүдө. «Биз бул маалыматтар чындыкка дал келе деп кепилдик бере албайбыз», — деп кошумчалады Билисбеков.

Быйыл казак бийлиги Конституцияга өзгөртүүлөрдү киргизген. Ага ылайык, террористтик жана башка оор кылмыштарды жасоого күнөөлүү деп табылган адамдар жарандыктан ажыратылат.

Бийликтин маалыматы боюнча, акыркы бир нече жыл ичинде Сирия менен Ирактын согуш болуп жаткан аймактарына жүздөгөн казак жараны чыгып кеткен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18