USD87.45EUR95.88RUB1.07
24.kg

Чубак ажы Жалилов тарапташтарын митингге чыкпоого чакырды

15:52, 05 декабря 2017, Бишкек - 24.kg

Мурдакы муфтий Чубак ажы Жалилов тарапташтарын митингге чыкпоого чакырды. Бул тууралуу ал өзүнүн Facebook баракчасына жазды.

Чубак ажы Жалилов эртең, 6-декабрга пландалган митингге тиешеси жоктугун айтып, андай чагымчылдыкка жол бербөөгө чакырды.

«Мындай маалыматты аты-жөнү белгисиз адамдар таркатып жатат. Митинг болбойт. Мени суракта узак суу бербей кармады деген маалымат дагы калп. Мага сый-урматта мамиле болуп, үй-бүлөмдүн кадыр баркына эч ким доо кетирген жок» — дейт Чубак ажы Жалилов.

Экс-муфтийдин айтымында, анын аракети Кылмыш кодексинин 153-беренесине каршы келбейт.

«Мыйзамдын тили менен экинчи аял деп айтпастан башка терминди колдонушат экен. Аны айтуу мага ыңгайсыз» — дейт ажы.

Эскерте кетсек, Чубак ажы Жалилов 2-4-декабрда Бишкек шаардык ИИБда экинчи никеси жана көп аял алууга чакырыгы боюнча сурак берди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18