USD87.45EUR95.88RUB1.07
24.kg

Он эки жашар баласынын өлүмүнө шектелген ата бир айга камалды

17:20, 04 декабря 2017, Бишкек - 24.kg

Он эки жашар баласынын өлүмүнө шектелген ата бир айга камалды. Бул тууралуу «24.kg» агенттигине Ош шаардык ички иштер башкармалыгынан билдиришти.

Алардын айтымында, шектүүнүн кызы жана достору баштапкы көрсөтмөсүнөн баш тартууда. Алар эми бала эч качан атасынан токмок жебегендигин, ал ошол күнү мектептен эле көкала болуп, таяк жеп келгенин айтышууда.

Эскерте кетсек, 29-ноябрь күнү «Тез жардам» кызматы Ош шаарындагы үйлөрдүн бирине чакырык менен барып, өз бөлмөсүндө керебетте жаткан баланын өлүмүн ырасташкан. 6-класстын окуучусунун денесинде тактар байкалган.

Баланын 13 жашар эжеси жана достору атасы буга чейин баласын бир топ жолу сабагандыгын айтышкан. Алардын көрсөтмөсүнүн негизинде атасы кармалган. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18