USD87.45EUR95.88RUB1.07
24.kg

Европарламент АКШ Борбордук Азияда позициясын жоготуп жаткандыгына тынчсызданат

14:58, 29 ноября 2017, Бишкек - 24.kg

Европарламент АКШ Борбордук Азияда позициясын жоготуп жаткандыгына тынчсызданат. Бул тууралуу тууралуу Европарламенттин иликтөөчү борборунун отчетунда айтыларын RT жазып чыкты.

Маалыматта, АКШны Борбордук Азиядан Россия сүрүп чыгарууда.

«АКШнын Борбордук Азияда аскердик катышуусунун алсыздашы Ооганстанда аскердик операциялардын азайышына байланыштуу. Бирок, негизги себеби — регионго Россиянын кайтып келиши болуп саналат. Россия Кыргызстанды 2014-жылы АКШ менен авиабаза боюнча келишимди узартпоого көндүрдү. Казакстан, Тажикстан дагы Россиянын аскер өнөктөштөрү», — деп айтылат.

Отчетте АКШ Борбордук Азия өлкөлөрү менен соода алакада дагы Россияга уттуруп коюп жаткандыгы белгиленет.

Европарламенттин талдоочулары Вашингтон аймак менен кызматташуудагы негизги проблемасы катары «өлкөдө кылмышкер катары эсептелген «укук коргоочулар» менен» кызматташтыгын көрсөтөт. Кыргызстан 2015-жылы өмүр бою эркинен ажыратылган Азимжан Аскаровго сыйлык тапшыргандан кийин Вашингтон менен келишимди үздү.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18