USD87.45EUR95.88RUB1.07
24.kg

Райкан Төлөгөнов менен Өмүрбек Текебаев бир түрмөдө олтурат

11:37, 23 ноября 2017, Бишкек - 24.kg

Жогорку Кеңештин мурдакы депутаты Райкан Төлөгөнов жаза мөөнөтүн № 47-абакта өтөйт. Бул тууралуу «24.kg» агенттигине анын жубайы Чолпон Кошоева билдирди.

Анын айтымында, Райкан Төлөгөновдун жаза өтөө ордун аныктоодо ден-соолугу боюнча өтүнүчтөр эске алынды.

«№ 47 түрмөдө эки бөлүк бар экен. Менин түшүнгөнүмө караганда, Райкан Төлөгөнов ачык бөлүгүнө которулат. Ал эми Өмүрбек Текебаев жабык бөлүгүндө олтурат. Эми аны № 1 тергөө абагынан № 47ге которушу керек» — деди Чолпон Кошоева.

Эскерте кетсек, Райкан Төлөгөнов ден-соолугуна байланыштуу Биринчи май райондук сотуна арызданып, шаардык сотко кайрылуудан баш тартты. Ал 2010-жылдын 7-апрелиндеги мародерлук иши боюнча айыпталып, 15 жылга эркинен ажыратылган. Ага карата сот үч мунапыс колдонуп, жаза өтөө мөөнөтү 5 жыл үч айга кыскартылган.

Белгилей кетсек, «мародерлук» иши боюнча 2012-жылы «Ата-Мекен» партиясынын төрт депутатына айып тагылган. Райкан Төлөгөнов март айында кармалды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18