USD87.45EUR95.88RUB1.07
24.kg

Кыргызстан менен Өзбекстан Унгар-Тоо маселесин чече элек

10:51, 21 ноября 2017, Бишкек - 24.kg

Кыргызстан менен Өзбекстан Унгар-Тоо маселесин чече элек. Бул тууралуу бүгүн Жогорку Кеңештин эл аралык мамилелер, коргоо жана коопсуздук комитетинин жыйынында Чек ара кызматынын төрагасынын орун басары Кубатбек Жээнбаев билдирди.

Анын айтымында, чек аранын калган бөлүгү боюнча сүйлөшүүлөр жүрүп жатат.

Белгилей кетсек, быйыл кыргыз-өзбек чек арасынын 85 пайызы аныкталды. Калган 15 пайызы боюнча сүйлөшүүлөр жүрүп жатат. Унгар-Тоо — талаштуу аймактардын бири. Бул жерде «Кыргызтелекомдун» станциясы жайгашкан. 2016-жылдын март айында Өзбекстан тарап станцияны аскерлери менен курчоого алган. Эки тараптуу сүйлөшүүдөн кийин гана станциянын кызматкерлерине кенен кирип-чыгып, иштөөгө уруксат берилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18