USD87.45EUR95.88RUB1.07
24.kg

Атамбаев өкмөткө Кытай менен темир жол долбоорун жандантууну сунуштады

12:34, 15 ноября 2017, Бишкек - 24.kg

Алмазбек Атамбаев өкмөткө Кытай-Кыргызстан-Өзбекстан менен темир жол долбоорун жандантууну сунуштады. Бул тууралуу бүгүн Туруктуу өнүгүү боюнча улуттук кеңештин жыйынында билдирди. 

Ал Өзбекстан менен биргеликте насыя алып, Кытай менен темир жол курулушун баштоо зарылдыгын белгиледи. 

«Насыя алып, Кашгар-Ош-Ташкент жолун башташ керек», — деди Алмазбек Атамбаев.

Алмазбек Атамбаев Кытай Кыргызстандын айыл-чарба товарларына муктаждыгын белгиледи.

«Мен Кытай башчысы менен сүйлөшкөн кезде дагы ал Кыргызстандын экологиялык таза айыл-чарба товарлары керектигин айткан. Биздин ЕАЭБке жолубуз бөгөлгөндөн кийин Кытайга жана Өзбекстанга көңүлүбүздү бурушубуз керек» - деди ал. 

Эскерте кетсек, Кашгар-Ош-Ташкент темир жолунун курулушу активдүү талкууланып, кийин белгисиз себептерден улам токтотулган. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18