USD87.45EUR95.88RUB1.07
24.kg

Бишкекте Казакстандын элчилигин алдында митинг өттү

11:21, 03 ноября 2017, Бишкек - 24.kg

Бишкекте Казакстандын элчилигин алдында митинг өттү. Уюштуруучулардын бири укук коргоочу Турсунбек Акундун билдирүүсүндө, алар Казакстандан тез арада чек араны ачууну талап кылышты. Болбосо жарандык активисттер Кыргызстандын Евразия экономикалык биримдигинен чыгуу маселесин көтөрүп баштайт.

«5-ноябрга чейин чек аранын ачылышын талап кылып жатабыз. Бул жерде адам укугу да бузулуп жатат. Өткөндө казак жараны чек арада каза болду. Ал Бишкекте көзү өткөн тууганынын жаназасына келе жаткан экен» — деди укук коргоочу.

Укук коргоочунун айтымында, Казакстан алардын талабын аткарбаса, ЕККУ (ОБСЕ) жана башка эл аралык уюмдарга дагы кайрылат.

Митингчилерге элчиликтин консулу чыгып, кайрылуусун кабыл алды.

Казакстан 10-октябрдан тарта Кыргызстан менен чек арадан өткөрүүнү текшерүүнү күчөттү. Бул чараны коңшү мамлекеттин өкмөтү кытай товарларынын мыйзамсыз реэкспортуна байланыштырат.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18