USD87.45EUR95.88RUB1.07
24.kg

Нью-Йорктогу терактка айыпталган Сайфулло Саипов Кыргызстанда жашаган эмес

11:28, 02 ноября 2017, Бишкек - 24.kg

Нью-Йорктогу терактка айыпталган Сайфулло Саипов Кыргызстанда жашаган эмес. Бул тууралуу маалыматты ИИМдин 10-башкармалыгы жана УКМКнын түштүк облусу боюнча башкармалыгы жокко чыгарат.

Алардын айтымында, Ош шаарында Саиповдордун үй-бүлөсү жашайт. Бирок, алардын Сайфулло менен эч бир туугандык мамилеси жок.

«Айрым маалымат каражаттары Сайфулло Саипов Араванда жана Кара-Сууда жашагандыгын жазып чыгышты. Биз бул райондорду, ал жылдарды текшерип көрдүк. Маалымат такталган жок», — деди УКМК.

Учурда Саиповдун 2004-2005-жылдары Кыргызстанда жашагандыгы текшерилип жатат.

«Ал эч качан Кыргызстандын паспорттун алган эмес жана эч бир район, шаарда каттоодо турган эмес. Азыр 2004-2005-жылдары Кыргызстанда жашоого уруксат алгандыгы жөнүндө маалыматты карап жатабыз» — дейт УКМК.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18