USD87.45EUR95.88RUB1.07
24.kg

Султан Жумагулов Монголиядагы окуя кайталанбайт деп убада берди

15:48, 01 ноября 2017, Бишкек - 24.kg

Маданият, маалымат жана туризм министрлигине талапкер Султан Жумагулов Монголиядагы окуя экинчи кайталанбастыгын билдирди. Бул тууралуу ал бүгүн парламенттин жыйынында айтты.

Депутат Кожобек Рыспаев талапкерден үч жыл мурда Монголияга иш сапары менен учуп барган кездеги окуянын чоо-жайын сурады.

«Окуя үч жыл мурда болгон. Аны көбүнчө менин кесиптештерим көптүрүп жиберишкен. Бирок, мен жоопкерчиликти мойнума алып кызматтан кеткенмин. Эгер сиздер мени колдосоңуздар ал экинчи кайталанбайт деп убада берем», — деди Султан Жумагулов.

КТРКнын ал кездеги башкы директору Султан Жумагулов Монголияда иш сапары учурунда мас болуп, чыр салгандыгы, учакта дагы чатакташкандыгы маалымдалган. Арак ичкенин мойнуна алган Султан Жумагулов кызматын тапшырган.

Жогорку Кеңеш Султан Жумагуловдун Маданият, маалымат жана туризм министрлигине талапкерин колдоду.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18