USD87.45EUR95.88RUB1.07
24.kg

Дастан Жумабеков Өмүрбек Текебаевдин мандатын алуу сунушу менен кайрылды

11:01, 01 ноября 2017, Бишкек - 24.kg
Дарья ПОДОЛЬСКАЯ

Жогорку Кеңештин төрагасы Дастан Жумабеков «Ата-Мекен» фракциясынын депутаты Өмүрбек Текебаевдин мандатын алуу сунушу менен Боршайкомго кайрылды. Бул тууралуу «24.kg» агенттигине БШКнын мүчөсү Кайрат Осмоналиев билдирди.

Кайрылууда Өмүрбек Текебаевге карата Бишкек шаардык сотунун 2-октябрда чыккан чечими күчүнө киргендиги айтылат.

«Мыйзамга ылайык БШК мындай кайрылуудан кийин бир ай ичинде чечим кабыл алышы керек», — дейт БШКнын мүчөсү Кайрат Осмоналиев.

Эскерте кетсек, «Жемкорлук» беренеси менен айыпталган Өмүрбек Текебаев жана Дүйшөн Чотоновду Бишкек шаарынын Биринчи май райондук соту сегиз жылга эркинен ажыраткан. «Ата-Мекен» партиясынын лидери Бишкек шаарынын сотунун чечиминен кийин УКМКдан № 47 абакка которулган.

Өмүрбек Текебаевдин ордуна парламентке Эсептөө палатасынын мурдакы төрагасы Искендер Гайипкулов келиши мүмкүн. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18