USD87.45EUR96.10RUB1.06
24.kg

Толкунбек Абдыгулов: Кыргыз-казак чек арасында үч өлкөнүн жүгү турат

14:13, 19 октября 2017, Бишкек - 24.kg

«Кыргызстан менен Казакстандын чек арасында Кыргызстандын гана эмес, Казакстандын жана Россиянын жүктөрү турат» — деп билдирди биринчи вице-премьер-министр Толкунбек Абдыгулов.

Анын айтымында, чек арадагы оор жүктүү ууналар боюнча маселе жакынкы 5 күндө чечилет.

«Биз бул боюнча жол картасын түзүп, кол коюшубуз керек. Жумушчу топту эки жактын вице-премьер-министрлери жетектейт. Белгилей кетсек, чек арада Кыргызстан, Казакстандын жана Россиянын жүктөрү токтоп турат» — деди Толкунбек Абдыгулов.

Биринчи вице-премьер-министрдин айтымында, түшкө жакын Казакстан чек арадагы кишилерди жана ууналарды өткөрүүнү тездетти.

Эскерте кетсек, кечээ премьер-министр Сапар Исаков жетектеген өкмөт мүчөлөрү Астанада сүйлөшүүлөрдү жүргүздү. Казакстан чек арадагы жөө жүргүнчүлөрдү, жеңил уунаны жана бош жүк ташуучу ууналарды өткөрүүгө макул болду.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18