USD87.45EUR95.88RUB1.07
24.kg

«Ак-Тилек» өткөрмө бекетинде унаалар өтө албай турушат

10:56, 11 октября 2017, Бишкек - 24.kg

Чүй облусунун кыргыз-казак чек арасындагы «Ак-Тилек» өткөрмө бекетинде жүк ташуучу унаалардын узун кезеги түзүлдү. Бул тууралуу «24.kg» агенттигине узак жол жүрүүчү айдоочуларынын кесиптик кошунунун төрагасы Дастан Мирякубов билдирди.

Анын айтымында, унаалардын арасында кыргызстандык, россиялык жана казакстандык номерлер дагы бар.

«Биздин учурда Германия, Бельгия, Түркия, Россия жана Литвада жүргөн айдоочуларыбыз Кыргызстанга кантип өтүүнүн жолдорун билбей жатышат», — деди ал.

Эскерте кетсек, Казакстан чек ара өтмөктөрүн кайтарууну күчөттү. Бирок, бул боюнча расмий билдирүү жок. Анткен менен кечээтен бери кыргыз—казак чек арасынын баардык бекеттеринде жүргүнчүлөрдүн жана унаалардын тыгыны түзүлдү. Андан тышкары жук ташуучулардын билдирүүсүндө, Казакстан алыскы чет өлкөлөрдөн Кыргызстанга келе жаткан ууналарды өз аймагына киргизбей жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18