USD87.45EUR95.88RUB1.07
24.kg

БШК Өмүрбек Бабановдун тагдырын бүгүн чечет

10:02, 10 октября 2017, Бишкек - 24.kg
Дарья ПОДОЛЬСКАЯ

Боршайкомдун жумушчу тобу Өмүрбек Бабановго эскертүү берүү чечимин чыгарды. Бул президентикке талапкерге берилген үчүнчү эскертүү болмокчу. Бул тууралуу «24.kg» агенттигине Гүлнара Журабаева билдирди.

Анын айтымында, кечээ БШКнын жумушчу тобу топтолуп, Өмүрбек Бабановдун Ош шаарынын Он-Адыр айылында сүйлөгөн сөзүн талдоого алып, үгүт иштерин бузгандыгы боюнча чечим чыгарышкан.

Эскерте кетсек, Бабановдун Он-Адырда сүйлөгөн сөзү боюнча БШКга 13 арыз түшкөн. Анын баарында президенттикке талапкер улуттар аралык кастыкты козутуп жаткандыгы айтылат.

«Жумушчу топ эскертүү берүү чечимин шашып чыгарган. Бирок, алар УКМКнын бүтүмүн күтүш керек болчу. УКМК экспертиза жүргүзүп жатат. Ошондон кийин гана бул маселе каралса болмок», — дейт Гүлнара Журабаева.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18