USD87.45EUR95.88RUB1.07
24.kg

Чаткалда жаңы курулган көпүрө бир жылга жетпей урады

17:14, 04 октября 2017, Бишкек - 24.kg

Чаткал районунда жаңы курулган көпүрө бир жылга жетпей урап калды. Бул боюнча маалыматты «24.kg» агенттигине райондун акими Канжарбек Эшалиев ырастады. 

Акимдин айтымында жаз-жай айларында дарыядагы суунун деңгээли адаттагы нормадан ашып көпүрөнү жараксыз абалга алып келген. Айгыр-Жал айылындагы көпүрө жергиликтүү кен иштетүүчү ишкананын акчасына курулган. Ага 16 миллион сом жумшалган.

«Ишкана көпүрөнү жакын арада кайра калыбына келтирип бермекчи. Азыр 2 миллион сом бөлүндү. Тендер жарыяланып, ишти бүтүрө турган компания тандалып алынат» - деди аким.

Канжарбек Эшалиев айыл тургундары ураган көпүрөнүн жанындагы эски көпүрөнү колдонуп өтүп жатканын билдирди. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18