USD87.45EUR95.88RUB1.07
24.kg

Жаратылыш кырсыктары менен күрөшүүгө бюджетте акча жок

10:16, 29 сентября 2017, Бишкек - 24.kg

Өзгөчө кырдаалдар министрлигине жаратылыш кырсыктары менен күрөшүүгө атайын техника керек. Ага мекеменин бюджетинде акча жок. Бул боюнча министр Кубатбек Боронов өкмөттүн жыйынында билдирди.

Анын айтымында, өкмөт буга чейин эле ӨКМге кошумча каражат которуу токтомун кабыл алган. Бирок, дагы эле бул жылга, эмки жылга дагы кошумча акча бөлүнө элек.

«Бизде ишке жарактуу 69 машина гана калды. Бул жыл өтө оор болду. Бизде техника аз. Айрыкча жер көчкү менен күрөшүүгө атайын техника керек», — деди Кубатбек Боронов.

Аны премьер-министр Сапар Исаков дагы колдоду.

«Маселе чечилиши керек. Эмки жылга дагы божомолдор жакшы эмес. Жамгыр, каар көп жаашы күтүлөт. Андыктан министрликтин жумушу көп болот. Аларга техника керек» — деди Сапар Исаков.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18