USD87.45EUR95.88RUB1.07
24.kg

Өкмөт Liglass Trading менен келишимдин тагдырын чече элек

18:53, 18 сентября 2017, Бишкек - 24.kg

Өкмөт Liglass Trading менен келишимдин тагдырын чече элек. Бул тууралуу бүгүн вице-премьер-министр Дүйшөнбек Зилалиев билдирди.

«Кырдаал кайсы жакка өзгөрүп кетиши белгисиз. Компаниянын 37 миллион долларды төлөй албастыгы азыр ачыкталды. Алар бир аз убакыт сурап жатат» - деди вице-премьер-министр.

Анын айтымында Чех компаниясына ишенбөөгө себеп жок болчу. Алар тендердик сынакка баардык кагаздарды алып келип, ыңгайлуу сунуш киргизишкен.

«Тендерде баардык ишканаларга бирдей шарт коюлган. Чехиялык ишкерлердин сунуштары жакшы болгондуктан алар тандалып алынган» - деди Дүйшөнбек Зилалиев.

Эскерте кетсек, аталган ишкана Кыргызстанда Ак-Булун ГЭСин жана Жогорку Нарын каскадындагы бир нече чакан ГЭСтин курууга уруксат алышкан. Бирок, шарт боюнча алар 37 миллион долларды келишимге кол коюлгандан кийин бир ай ичинде төлөшү керек. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18